Kuthhnathawktute dawmkanna tur leh rethei chhanchhuahna tura Mizoram sorkar flagship programme NLUP chu a zarzo tura thlante hnenah tangkafai chhawmdawlna sem chhunzawm zel a ni a. NLUP thawhkhatna sem mekah hian vawiinah pawh cheng vaibelchhe khat nuaili singkua sangriat zali ( Rs.1,04,98,400/-) sem chhuah a ni.

Vawiin khan Soil and Water Conservation Department, Aizawl District hnuaiah NLUP thawhkhatna dawngtute hnenah 3rd Installment sem a ni a.

Tawi Cluster hnuaia Hmunphiah chingtu chhungkaw 134 hnenah cheng 14,500/- zelin cheng 19,43,000/- sem niin Rubber chingtu chhungkaw khat hnenah cheng 48,700/-;Coffee chingtu chhungkaw khat hnenah cheng 12,100/- sem a ni.Tawi Cluster-a vawiina sem zawng zawng hi cheng 20,03,800/- a ni.

Aizawl South-III Cluster ah hmunphiah chingtu chhungkaw 164 hnenah cheng 14,500/- zelin cheng 23,78,000/- sem a ni.

Aizawl khawpui huamchhungah hmunphiah chingtu chhungkaw 33 hnenah cheng 14,500/- zelin cheng 4,78,500/-; Rubber chingtu chhungkaw 64 hnenah cheng 48,700/- zelin cheng zelin cheng 31,16,800/- leh chhungkaw pakhat hnenah cheng 10,300/-, Coffee chingtu chhungkaw 5 hnenah cheng 12,100/- zelin cheng 60,500/- sem a ni.

Tuivawl Cluster-ah hmunphiah chingtu chhungkaw 169 hnenah cheng 14,500/- theuhin cheng 24,50,500/- sem a ni bawk.