Agriculture Technology Management Agency (ATMA) Kolasib District hnuaia hmalakna tur hrang hrang sawiin vawiin khan District Bawrhsap Dr. Arun T. hovin ATMA Governing Board, Kolasib District chu DC Chamber-ah an thukhawm. 

Kolasib District-a ATMA hmalakna atan hian State Nodal Officer (ATMA), Director of Agriculture (CH) Mizoram hnen atangin Rs. 6,87,656/- (cheng nuai ruk sing riat sang sarih zaruk sawmnga paruk) 2nd installment atan hmuh a ni a. Heng sum hmuh te hmanna tur hrang hrang duan te hi vawiin meeting-ah hian enhova sawi ho a ni. 

Sum hmuh te hi kuthnathawktute’n hlawk zawka thlai an chin theih nan te, Farmer Interest Group tihhmasawn nan te leh zirtirna hrang hrang kalpui nana hman tura duan a ni.