Vawiin khan Agricultural Technology Management Agency (ATMA) Lunglei District chuan Circuit House Conference Hall, Lunglei ah Management Committee neih ani.

He hun hi Pu Tlangtimawia Zote, District Agriculture Officer leh Chairman, Managemnet Committee nibawk chuan kaihruaiin Pu John Laltluangliana, Dy.Project Director, ATMA  Lunglei District chuan ATMA nihphung leh kuthnathawktute tana Agency pawimawh tak a nih dan te a sawifiah a, District chhunga Management Committee in loneitute a chhawmdawl dan bakah kuthnathawktute nen a  an thawh ho dan a sawifiah bawk. Meeting ah hian Agriculture & Allied Department, Lunglei Sub Hqrs YMA, NABARD leh AMFU aiawhte bakah kuthnathawktu thlanbik te an tel ani.

Vawiin a  Management Committee meeting chuan Lunglei District chhunga kuthnathawktute hmasawn nana hmalak dan tur hrang hrang thlir hovin, training neih dan tur, kuthnathawktuten zirna zau zawk an neih theih nana State pawn, State chhung leh District chhunga Line Dept. hrang hrang hmalakna thlai chin, ran vulh, sangha khawi leh pangang vulh na hmun tlawh dan turte sawi hona neih ani. Meeting chuan kuthnathawhtu titha te tan lawmman District Level Award, Block level Award leh Group Farmer Award siamsak bakah thlai thar tamlai takin District Level Exhibition nei turin meeting chuan a rel bawk ani.