Vawiin khan Kolasib –a UPC North East enkawl Audrene Schism Children Home hmuna sak thar Compassion Centre Project office building chu Rev. JW Downs, Gen. Supdt, UPC of Australia chuan a hawng a. He hun hi Kolasib bialtu Minister Pu PC. Zoramsangliana chu khualzahawm niin a hmanpui a ni.

Pu PC Zoramsangliana chuan Audrene Schism Children Home, fahrah enkawlna hmunah hian a tul apianga an hman turin Rs 5000/- a pe a, puanthui khawl a pe bawk. An rawngbawlna chu ropui a tihzia sawiin naupangte thlarau nun thlenga kaihruaitu leh thiamna an neih theih nana zirtirtute an nih avangin a fak a. Pathian hi a belh tlak a, engpawh ti ila Lal Isua hi kan hruaitu atan a tling tawk a ni, tiin amah ngei pawhin nitina a thara Pathian ropuina a hmuh thin thu a sawi a ni.

Rev. JW Downs chuan Pathian ropui nana engkim ti thin turin kal khawm te a chah a. Khawvelin Bible an chhiar hmain keimahni min chhiar hmasa thin a ni, a ti a ni.

Rev P. Chunga, Gen. Supdt, UPC-NEI chuan building hawnna inkhawm hi a kaihruai a, UPC, NEI Hqrs atangin hotu thahnem tak an kal bawk a ni.