Vawiin khan Commissioner & Secretary Pi Renu Sharma hoin kar leh April ni 24-26, 2012 chhung a India Inter-Ministerail Team leh Myanmar palai ten Mizoram Chhim tawp Zorinpui Land Custom dahna hmun tur tlawh a lo zin tur dawn sawn dan Department hrang hrang hotu ten an sawi ho.

India aiawh in Shri Ranjan Mathai, Foreign Secretary in a ho anga, palai 9 (pakua) an ni ang a. Myanmar lam hi Utun Htay, Port Officer, Rakhine State in a ho ang a, member 8 (pariat) an ni bawk ang. Myanmar palai ah hian Ambassador to India leh a Frist Secretary te pawh an tel bawk ang.

Zorinpui Land Custom hmun dahna tur(Zocha chhuah tih thin) ah hian heng ram pahnih palai te hian meeting an nei nghal ang. An rawn haw hunah Chief Minister in an mahni pualin sawm bikte nen zan riah a buatsaih sak ang.