Mara Autonomous District Council (MADC) a MDC bial pakhat; Lai Autonomous District Council (LADC) a MDC bial pahnih leh Chakma Autonomous District Council (CADC) a MDC bial pakhat ah te June ni 4, 2014 khian By-Election neih a ni dawn a, he inthlanna atana hriattirna Notification chu vawiin khan State Election Commission chuan a tichhuak.

SEC hriattirna ang chuan 15.5. 2014 khian Returning Officer ten inthlan hriattirna Notice of Election an chhuah ang a, inthlan chuh tumte tan 21.5.2014, tlai dar 3 thleng hming pek luh theih a ni a. Hming pek luhte hi 21.5.2014 chawhnu dar thum hnulam atangin endik tan a ni ang a, inhnukdawh duhte tan 22.5.2014 tlai dar 3 thleng hun hawnsak an ni ang. Candidate te chinchiahna symbol chu 23.5.2014 zing dar 10 atanga chhun dar 1 inkarah tih fel a ni anga, hemi ni vek chhun dar 1 leh tlai dar 4 inkarah Candidate te hming tarchhuah a ni anga, he list hi a ni la la a Returning Officer ten SEC-a  thawn tur a ni ang.

Inthlan chu 4.6.2014, zing dar 7 atanga tlai dar 5 thleng neih tur a ni a. Inthlan that (re-poll) ngai a awm a nih chuan a tuk June ni 5 ah re-poll neih a ni ang. June ni 6, Ningani zing dar 10 atangin vote tla te chhiar a ni ang. He inthlan kaihhnawih thil zawng zawng chu 13.6.2014 a zawhfel tur a ni. By-Election neihna MDC bial te chu Dr.Buddha Dhan Chakma chhuahsan tak 2-Borapansury-II, (CADC); Pu C.Ngunlianchunga chhuahsan 10-Lawngtlai Bazar(LADC), Pu J.H.Lallianngura a boral tak avanga member thar thlan ngaihna 24-Tuithumhnar(LADC) leh Pu Hiphei chhuahsan tak 11-Tuipang II(MADC) an ni.