Vawiin chawhma khan Animal Husbandary & Veterinary Department buatsaihin Convention Centre, Conference Hall, Lunglei ah Awareness Campaign on Animal Disease Surveillance neih ani. Dr. R. Thangthuama, Jt. Director, AH & Vety. Southern Zone, Lunglei chuan Khuallian niin Awareness Campaign hi a hawng.

Awareness Campaign hawnna inkhawm hi Dr. Vanlalbuanga, DVO, Lunglei in kaihruaiin Dr. R. Thangthuama chuan natna chimawm tak tunlaia Mizoram in kan buaipui em em  Vawk pul hri PRRS min thlakbuak thin hi a pawi ati a, vawk tam tak an thih phah in kan ram economy pawh a tibuai phah  thin ani.He hri hi nuaibo theih nan AH & Vety.Depatment leh vawk vulh tu ten tan lak a ngaih thu asawi.

Dr. Lalnunhlima Ralte, Deputy Director, Epidemiology in pawh in thusawiin vawk pul hri PRRS hi kum 2013 atangin hmelhriat tan ani a, hemi kum hian vawk 3806 thi in kum 2016 ah  4699 leh kum 2018 ah 2574 vawk thi official a record niin record loh tam tak an thi bawk ani ati.PRRS vang hian vawk vulh tu ten pawisa tam tak an chan a, hemi anih avang hian vawk pul hri a len hma hian AH & Vety Dept. chuan  inven dan zirtirna  Mizoram dung leh vang ah tuam mek ani ati.

Awareness Campaign in a tum ber chu Mizorama ran hrileng mai thei lak a inven dan tur zirho te, ran hri a len lohna tura ramdang  leh hnun dang atanga ran a luh lohna tura hmalak, ran hrileng  a darh zel lohna tura hmalak,kum 2023 ah Animal Disease Free State kan nih theihna tura tan lak, sa, bawnghnute leh artui a kan intohdelh theihna tura tan lak leh tualchhung market mai nilo National leh International market thleng pha tura ranvulh lama tan lak te ani.

Dr.Esther Lalzoliani, Veterinary Officer, Disease Investigation in ran hrileng laka kan him theih nan ramdang atangin ran vulh tur eng chi mah lak luh lo, ran hrisel tha tih hriatchian chauh lei thin tur, ran lei thar reng reng, ranvulh laite nen dah fin nghal mai lovin ni 30 tal dah hran phawt tur, ran in chu midang tlawh tir lohva, midang ran in pawh tlawh mai mai loh tur, a hun tak ah hri venna (Vaccine) pek thin tur a ni a, Ran in leh a vel bungrua te regular tak a damdawi (Disinfectant) hmang a silfai thin tur, Ran a damloh/ thih in Vety Department ah hriattir in, mithiam te rawn vat thin tur, ran damlo hralh chhuah loh tur, ran thisawn sa mahni mihring puite ei tur a hralh chhuah loh tur a nih thu leh ran a thi a nih chuan thuk tak ah uluk takin phum thin tur a nih thu hmang in zirtirna a pe a ni.

He hun hi zawhna leh chhanna hun hman ani bawk.