Vawiin khan Sensitization workshop on District level planning chu Govt. Champhai College Multipurpose Hall ah neih niin Pu L. Thangmawia Hon’ble MLA, 21 Lengteng chuan khuallian niin a hawng.

Thusawiin Mizoram hmun hrang hrang ami te hi kan mamawh a in ang lo theuh a, kan duhzawng pawh a inang lo hle a ni a ti a, chutihrualin kan mamawh em em vek chu Zirna leh hriselna hi a ni a ti a, zirna in chhia ah chuan luh a chakawm loh thin a, a bik in sawrkar zirna in hi a chhe zual em em a ni a ti a, hmasawn chu kan ngai a ni a ti. Hriselna chungchangah pawh tan nasa lehzuala lak a ngaih thu sawiin heng zirna leh hriselna kawngah hma kan sawn  theihna turin kan tanho a ngai a ni a ti a, central sawrkar pawh kan nawrho thiam a ngai a ni tiin A bial leh District mipui te tana thil tha a tih zel theihna tura thawhpuiah kalkhawm te chu a sawm a, he workshop hi hlawk taka hman a nih theihna turin duhsakna a hlan a, workshop hi a hawng a ni.

He hunah hian Dr. Naveen Aggarwal, District Bawrhsap pawhin thusawiin zirna hi a ngaihpawimawh thu a tarlang a, hmuntinah hian zirna in aiin kan Biak In te hi a mawi in a tha zawk a, zirna in erawh chuan hlamchhiah a hlawh ni a a hriat thu sawiin MLA te chu zirna ah hma kan sawn zel theihna tura zirna in tha an fund atanga 25% tal pe turin a ngen a, kalkhawmte chu chibai a buk a ni.

Pu Lalchhuanawma Hrahsel, Director Eo& Stats chuan United Nation chuan Sustainable Development Goals 17 lungruak taka United Nations member ram zawng zawngin an tihhlawhtlin theuh turi  a kalpui mek a ni a ti a, SDGs hi mipui tan a ni a, mimal tin thleng phak hmasawnna thlwn hi a tum bulpui a nih avangin Localization hi SDGs implemnent na atana thupui ber a ni a ti. Mipui huapzau thei ang ber tura SDGs Sensitization Workshop nei vek tura tih an ni avangin Mizoram ah chuan a bul tan na atan District tinah Sensitization Workshop neih phawt a nih thu a tarlang a ni. Pu Lalchhuanawma chuan mipui huapzo hmasawnna tluantling Mizorama  thlentir turin vawiin a kalkhawm te chuan mawhphurhna an neih thu sawiin Development leh sawrkar hnate hian mi tin thleng phak sela, hmasawnna pawh huapzo tak leh ngelnghet taka a kal theihna atana ruahmanna siam leh tihhlawhtlin hi sawrkar hna leh ram rorelna atana pawimawh ber a ni tih hi he workshop ah hian kan zirchhuak a tul hle a ni a ti bawk.

He hunah hian Pu Lalriliana, Economist, Planning Department, Pu Lalchhuanawma Hrahsel, Director, Eco & Stats, Pu Lalthlamuana Fanai, DRO Aizawl, Eco & Stats leh Pu C. Vanlalengkima, Scientist, Science & Technology te chuan presentation pe in an hnen atang hian SDGs in a tum hrang hrang te ngaihthlak a ni a, sawihona bakah zawhna leh chhanna hun te hman niin Pu H. Lalnunzuala, DRO Champhai chuan lawmthu sawiin hun a khar a ni.