Vawiin khan Baktawng-ah Awareness-cum-Training Programme on Technique of Passion Fruit - NLUP/RKVI kalhmanga Cluster AREA-I Baktawng, Baktawng-Tlangnuam, N.Chawilung, Khumtung leh Phulmawi Khua atanga sapthei chingtute kawng dik hrilhhriatna leh zirtirna hun hman a ni.

He hun hi Pu C. Lalruata, Chairman, MIFCO in kaihruaiin Pu Zorammuana Secratry NIB leh Wing Commander Lalnghinglova, Chairman Marketing Cell, NIB te leh Pi Lucy Zaithangpuii Sailo SDHO Horticulture Department te khuallian an ni. He hun hmanpuitu dang Pu Sangzuala Gen. Manager MIFCO chuan, “Theihtawpa kan beih pawha kan hlawhchham lek lek thin MIFCO chu sawrkarin NLUP hmangin a tuai thar a, tuna MIFCO hi hmana MIFCO kha a ni tawh lo, tunah zet chuan buaipui ngai MIFCO thin kha cheng nuai 50 chuang hlep theiin kan lo kal thei ta,” a ti. Chawhnu ah MIFCO Officer ten Sapthei chin dan, a enkawldan leh a tharchhuah leh a hralhchhuah dan dik zirtirna pe in, he Programme hi farmer 300 chuang zet ten an hmang a ni.

Mizoram sawrkar chuan Mizoram pumah Sapthei chin nan Cluster 7 (MLA bial 7) a chhungkaw 2000 a thlang chhuak a ni.