Vawiin chawhma dar 11:00 khan Vanapa Hall-ah Social Welfare Department, Health Services, Hospital & Medical Education, SCERT, Mizoram SSA mission leh N.I.O.H, North East regional Cetre te tangkawpin  an buatsaih  International day Of Persons with Disabilities (Rualbanlote Ni) hman a ni.

He hun hmanpuitu Pi B. Sairengpuii, Commissioner, Persons with Disabilities, Govt of Mizoram chuan thusawinna India ram chu United Nations Convention on Rights of Persons with Disabilities(UNCRPD) signed tu hmasa ber ram pakhat a ni a, chuvangin, rualbanlote enkawl leh an hamthatna ngaihtuahna turin Dan leh policy fel tak India ramin a neih thu a sawi a. Presbyterian Kohhran leh Baptist Kohhran te pawhin ‘Rualbanlote Ni” kum tin Biak In a Pathianni inkhawmah a bik an buatsaih thin chu lawmawm a tih thu  a sawi bawk. Biak In ropui tak tak kan neihte hi rualbanlo, a bikin wheel chair hmang te, Rolator (kal zirna) leh zakdawh tiang hmangte dinhmun hria in, Biak In a an inkhawm ve ngei theih nan Ramp (kailawn remchang) leh tlak  dal te siam tel ve ngei thei tawh se tiin International Day of Persons with Disabilities denchhen hian, Commissioner hian a ngen bawk a ni. Mizoram sawrkar pawhin, Section 61-65 of persons with Disabilities  Act, 1995- in a tarlan tih tur leh mawhphurna te keng kawh turin, Fulltime State Commissioner for Person with disabilities chu  1st November, 2012 a tangin a dah tawh thu thu leh office hran pawh 1st June 2012 khan bun fel a ni tawh thu a sawi a. Rualbanlote tana Scheme leh Programme hrang hrang te buaipuitu  ‘Implementing Agency’ chu Directorate of Social Welfare a nih thu a sawi bawk.

Pi Vanlaldini, Director, Social Welfare Department hnen atangin he hun hman a nih chhan leh  rualbanlo te tana hmalakna hrang hrang an neih tawh  nate  leh ruahmanna an neih te ngaihthlak a ni a, Maj. S.T. Dula’n Bible chhiar leh Tawngtaina hun a hmang a. Pu K. Lalhmingsanga’n ‘Rualbanlote Dikna Chanvo’ tih lehkhabu Pi Vanramchhuangi ziah chu a tlang zarh a,  Mr Alendra Tripathi, I/c NERC-NIOH, Regional Centre hnen atangin thusawi ngaihthlak a ni bawk.

He hun-ah hian Chawimawi phu  mi 30 hnenah chawimawina thilpek hlan a ni bawk.

Dr. F. Lallianhlira, Joint Director, Health Services in lawmthu sawina hun hmangin hnu a khar a ni. He hunah hian Item hmuh nawm tak tak entir a ni bawk.