631/2022-2023
India ram zalenna kum 75-na lawmna kal zelah vawiin khan Lunglei DC Pu Kulothungan A kaihhruaiin DC Conference Hall-ah sawrkar laipui Ministry of Rural Development & Panchayati Raj kaltlang hmalakna ‘Azadi Se Antyodaya Tak’ Lunglei District-a kalpui dan tur chungchang ngaihtuah ho a ni.

Meeting-ah hian line Department – Social Welfare, Women & Child Development, Lead Bank, Health & Family Welfare, Labour & employment (LESDE), Agriculture, AH&Vety leh Rural Development hotute an tel a ni.

Meeting kaihruaitu Lunglei DC Pu Kulothungan A chuan ‘Azadi Se Antyodaya Tak’ chu ni 90 chhung kalpui tur a nih thu leh he hmalakna kalpui tura India ram puma District 75 thlanchhuah te zingah Lunglei District chu a tel ve thu a sawi a. Heng line Department hnuaia scheme/program hrang hrang 17 hnuaiah hmalakna leh achievement-te sawrkar laipui hotuten uluk taka an vil tur thu sawiin Department-te chu theihtawp chhuah turin a sawm a ni.

May ni 31, ah hian AKAM pualin Convention centre, Lungleiah program ruahman tum a ni a. Hemi ni hian Prime Minister Pu Narendra Modi chuan Azadi ka Amrit Mahotsav pualin India ram state hrang hranga sawrkar scheme beneficiary te video conferencing kaltlangin a kawm dawn a ni.