Independence Day vawi 72-na chu Bairabi Playground ah hman a ni a, Khuallian Pu Samuel Zodinsanga, Sub-Deputy Commissioner, Kolasib & Bairabi in a hmanpui. Khuallian hian Dar 11:00AM ah hnam puanzar a pawtpharh a, 1st IR Battalion in Guard of Honour pe in, RM English School, Bairabi ten National Anthem an sa a, Khuallian hian School Contingent 7 te hnen ațangin March-Pass a chhanglet bawk. Pu Samuel Zodinsanga chuan thu sawiin I-Day hmang tura Bairabi khua inpekna ah lawmthu a sawi a, Bairabi khua hmasawnna hrang hrang te tarlang in Sawrkar hmalakna hrang hrang te Bairabi khua in an thlawp țhat avangin lawmthu a sawi a, Bairabi khua hmasawnna atana thawhhona țha tak nei zel turin Sawrkar Office hrang hrang te leh Bairabi khaw mipuite a sawm bawk ani.

Bairabi Jt. VCP, Pu J.Lalchhuanawma pawhin thu sawiin, Independenceday tluang taka kan hmang thei chu lawmawm a tih zia leh Bairabi khua hmasawnna atana sawrkar duhsakna hrang hrang ah te lawmthu a sawi bawk ani.

Independence Day programme hi I-Day tournament Final, Football (men), Volleyball (men & women) leh Badminton (single & double) in chhunzawm nghal a ni a, nileng in hun hlimawm tak hman ani.