India Independence Day chu Kawnpui-ah Tuirial Bialtu MLA Pu Hmingdailova Khiangte hovin Boys’ Hockey Academy Playground ah khawtlang mipuite nen hman a ni a. Khuallian hian School Contingent 8 leh NCC Contingent pahnih ten Hnam Puanzar chibai an buk a chhang let a ni.

Pu Hmingdailova Khiangte chuan ‘India ram State 29 zingah Mizoram chu State thangduang 4-na a ni phak a; National Level GDP aiin Mizoram GSDP a sang zawk bawk a. India ram pum aiin Mizo mipuite per capita income a sang zawk hi State hmasawn tak kan nihzia tilangtu a ni a. Hriselna lamah pawh World Bank Group leh NITI Yayog buatsaih Health Index ah Mizoram chu State lian lo zinga pakhatna leh ram puma pahnihna kan nihna hian State sawrkar in hriselna lama hma a lakna a hlawhtling a ni tih a lan tir’ a ti a. ‘Sawrkar hun tawp dawn hnaih lamah mi thenkhat ten lungawilohna lantirin an nuar a. Tuirial Bial chhunga mipuite erawh chuan sawrkar ngiat vanga nuar kher lovin khawtlang hruaituten theihtawp chhuahin sawrkar hotute hnenah an mamawh an thlen zawk hi a mawi hle mai’ a ti bawk.

Independence Day Parade entir School 10 zinga St Thomas School Kawnpui chu pakhatna an ni a. Hockey Association ten Hockey Tournament an buatsaih Final Match khelh a ni bawk.