Vawiin khan Bairabi tui lakna BAIRABI WATER SUPPLY SCHEME  chu PHED complex, Bairabi ah kolasib A/c bialtu MLA Pu PC Zoram Sangliana'n a hawng.

Khuallian chuan Bairabi tui lakna hawn thei ani chu thil lawmawm tak ani a, khaw mipuite tan malsawmna a thlen ngei a beisei thu a sawi.  Tui lakna hmun hma chu tichhe thei tu hrang hrang lakah vawnhim a pawimawh ani tiin neitu thinlung pu a, ram ngaw, nungcha leh tui hna te chu humhalh tlat turin kalkhawm te a chah a. Bairabi chu ramri a awm a nih angin state danga mite tlawpawh tam ani a, mizo nunze mawi vawng nung zel turin a chah bawk a ni. Pu Zoram Sangliana chuan Sawrkar prawkram leh hmalakna hrang hrang hriatpuia tawiawm thin tu khawtlang hruaitute leh mja member te chungah lawmthu a sawi bawk a ni.

Bairabi water supply scheme hi NLCPR sum, Doner Ministry atanga cheng nuai 490.37 hmuh atanga siam a ni a, February 2012 a thawh tan ani. He scheme hi kum 2042 thlenga mi 9000 hnenah ni khatah tui litre 70 vel pe thei tura ruahman a ni.

Hawnna inkhawm hi Er. C Lallunghnema, chief Engineer, zone - 1, PHED in a kaihruai a, Er. H Lallianmawia, EE, kolasib watsan division in technical report a pe a, pu j. Lalchhuanawma, Bairabi VCP in lawmthu sawiin hnu a khar a ni.