Kan hma lawka Inthlanpui (MLA Election) lo awm tur hi mipui ten ralmuang tak leh hlawhtling taka kan neih theihna turin Mizoram Police-te chuan ruihhlo damdawi/drugs, zu leh dan lova silai kawl leh pawisa lem te hmun hrang hrangah ngawrh taka endik reng a ni a. Tun hnaiah heng thil tha lo hrang hrang te hi man a, a neitute thubuai siam sak zel an ni.

1. September Ni 17, 2018 (Ningani) zan dar 9:30 pm vel khan Champhai Police leh 10^th Assam Rifles te chuan Dungtlang ah motor pahnih atangin Damdawi (drugs), Methamphetamine tablets 105 Kg (mum 848000) Local market a 17.00 Crores man vel chu mi pahnih, Burma mi ni a hriat hnen atangin an man a. Champhai Police station ah ND&PS Act hnuaiah thubuai siam sak niin, CPI PS C/No. 116/2018 dt. 27.9.2018 u/s 22(c) & 25 ND & PS Act R/w 14 Foreigners Act registered a ni.

2. September Ni 28,2018 (Zirtawpni) zan dar 8:30 pm vel khan DSB staff, Aizawl District Police te chuan Thuampui Zuangtui road atangin Damdawi (drugs), Methamphetamine tablets 10.9Kg (mum 100000) Local market a 2.00 Crores man vel chu mi pakhat hnen atangin an man leh a. Bawngkawn Police station ah ND&PS Act hnuaiah thubuai siam sak niin, BKN PS C/No. 222/2018 dt. 28.9.2018 u/s 22(c) ND & PS Act registered a ni.

3.September Ni 25-29, 2018 inkar chhung (ni 5 chhung) ringawt hian DSB staff Aizawl DEF te chuan ruihhlo check beihpui (Operation) an thlak ah Rakzu (Local made liquor) 564.5 Litres leh dan lova zawrh Sapzu um 67 leh beer 56 canes leh Heroin No.4 cane 7 man in avaiin Rs. 1,68,100/- man hu vel a ni.

4.Ruihhlo (Drugs) hlauhawm tak a bikin Methamphetamine (Met) hi a hlauhawmzia leh rang taka nun tichhia a, thihna thlen theitu a ni tih hi kan inzirtir a mipui ten kan hriat a ngai a. Miin he damdawi hi a tih chhin tawh chuan reilo teah a ngawl a vei (addict) thin a. Damdawi dangte anglo takin a tihdamna (antidode) emaw a enkawlna, substitute hmanga zawi zawi a tihrehrm (rehabilitation process) a buaithlakin a theihloh tluk ani a. Chuvangin kan thalai, naupangten an tih loh na turin nasa taka kan tanrual a pawimawh hle a ni.

Heng ruihhlo zu leh drugs te hi kan thalai te nun ti chhetu leh nunna suattu an nih avangin khawtlang mipui leh sawrkar mi leh sa zawng zawngte, Mizoram Police te chuan kan do zel dawn a. Heng ruihhlo te hi alo rem theih nan khawtlang mipui te leh Police Department, sawrkar department zawng zawngte tangrual a do tlang zel turin kan in ngen tak zet a ni.