No.3279/2021-2022

Aizawl the 4th December, 2021 : Vawiin khan Women & Child Development Minister Dr. K. Beichhua chu Deputy Commissioner, Aizawl District, Directorate of Women & Child Development, Women Helpline Mizoram, Mahila Shakti Kendra Aizawl leh One Stop Centre te tangkawp buatsaih Baking & Confectionery, Cooking & Flower Arrangement Competition-ah khuallian a ni a. He hun hi India Independence Vawi 75-na lawmna program 'Azadi Ka Amrit Mahotsav' kal zel denchhen a buatsaih a ni a, Electric Veng YMA Hall & Indoor Stadium-ah hman a ni.

Khuallian Dr. Beichhua chuan thu sawiin program buatsaih nana hmala tu te zawng zawng chungah lawmthu a sawi a. Zonu thiam zawng tak- baking, cooking leh flower arrangement inelna a participants zawng zawngte chungah lawmthu a sawi bawk a. Ei leh in siamdan tui chuan mi a hip a, mahni chhungkaw tan leh ram tan bakah zin mite pawhin a ngaihsak leh an ngaihven a ni a ti a . Vawiin program hmalakna a ke rawn pen tute chu nasa leh zuala tan la a, mahni pianpui finna bakah inzir belh a ngaih pawh a tunlai khawvel changkanna in a ken tel Information & Communication Technology hmanga inzir zel turin a fuih a. Minister chuan vawiin hi a bul tanna a ni tih hria a, midangte ti phur tu leh mi te tana malsawmna ei leh in siam leh pangpar khawi- hmanga ni zel turin a sawmin a ngen a. Hmeichhia chauh tih tura dah mai lo a, mipa te pawhin  tih ve theih kan nei a, tuina tak tak nen chuan eizawnna tlak, sum tam tak thawh chhuah theihna a ni, tiin a sawi a ni.

 Women & Child Development hnuaia hmalakna hrang hrang Women Helpline, One Stop Centre, State Social Welfare & Rehabilitation Centre-a Talent Show Competition, Maumual & ZDRB Swadhar Greh, Kelsih te ngaihthlak a ni bawk a ni.

Baking & Confectionery Competition-a lawmman dawngtu te:
1. Malsawmkima, Chhinga Veng
2. Lalrinawmi, Mission Vengthlang
3. Lalnunkimi,  Mission Vengthlang

Cooking Competition-a lawmman dawngtu te:
1.Malsawmkima, Chhinga Veng
2. Lalrinawmi, Mission Vengthlang
3. Lalmuansanga Pachuau, Mualpui, Salem

Flower Arrangement Competition-a lawmman dawngtu te:
1.  Vanlalhruaia, Durtlang Mual Veng
2. C. Lalhmangaihi, Mission Vengthlang
3. Lalrinliani, Ramhlun North

Slogan Competition-a lawmman dawngtu te:
1.K.Khamthianmanga, Ramhlun Venglai
 2. Zonunsiami Fanai, Kulikawn 
3. C.Lalchhandama, Sairang

He hun hi Aizawl Bawrhsap Dr. Lalhriatzuali Ralte in a kaihruai a, Additional DC Pi K. Vanlalruati chuan lawmthu sawiin he hun hi a khar a ni.

Attachment

  • Loading attachment...