No.3280/2021-2022

Aizawl the 4th December, 2021 : Dec ni 4 leh ni 5, 2021 chhung hian Parliament of India-a Public Accounts Committee chuan a kum 100 tlin lawmna, Central Parliament Hall, New Delhi-ah a hmang mek a. He hun hmang tura sawm an nih angin Mizoram Legislative Assembly ațangin Pu Lalrinliana Sailo, Speaker, Pu Vanlalhlana MLA, Chairman PAC, Dr. Vanlalthlana MLA, Pu. H. Lalrinawma, Commissioner & Secretary leh Pu Vanlalfamkima Sailo, Committee Officer-te an tel a ni.

Parliament PAC kum za tlin lawmna leh hemi puala Souvenir buatsaih chu India President Pu Ram Nath Kovind chuan a tlangzarh a, Prime Minister Pu Narendra Modi-a, Vice President Pu M Venkaiah Naidu-a leh mi pawimawh tak tak dangte'n thu an sawi a ni. President Pu Ram Nath Kovind chuan sawrkar sum hman dan entu leh chhui zuitu a nih anga Public Accounts Committee pawimawhzia sawiin Chairman leh official kal khawmte chu mahni hmun țheuhah dik leh rinawm taka thawk turin a chah a ni.

Mizoram Legislative Assembly ațanga he hun hmanga kal zingah Pu Vanlalhlana, MLA, Mizoram PAC Chairman chu Panel of Chairman-a ruat niin thusawina hun a pek a ni a. Pu Hlana hian sawrkar sum hmandan en zuitu Public Accounts Committee pawimawhzia leh House-a report pek hmanga rawtna hrang hrang siam a nih dan te, chumi kaltlanga project leh programme hrang hrang en zui a nih țhin dante a sawi bawk a ni.

Attachment

  • Loading attachment...