Mizoram Bamboo Day vawi 2-na hman dan tur chungchangah vawiin khan Principal Secretary Industries Pu P.C.Lallawmsanga hovin Secretariat Conference Hall ah Sorkar Department hrang hrang hotute an thukhawm a, ruahman chhin dan angin Bamboo Day hi ni 27 Feb. 2013 ah hman tura rel a ni.

Vawiina thukhawm hian he Ni chungchang hman dan tur peng hrang hrang chipchiar takin an ngaihtuah a. Mau hman tangkai leh sumhnar tha tak a nih dan te sawihona Symposium lian tham tak buatsaih te, mau chungchang Essay leh Hla inphuahsiak huaihawt te, Marathon Race neih te, mau leh rua hmanga thilsiam entirsiak leh zawrh bakah hetiang lama mithiam thlan bik te hnena lawmman leh chawimawina pek dan tur te an ngaihtuah ho a ni.

Bamboo Day hmang tur hian Mizoram pawnlam atangin mithiam leh hetiang lama tui mi sawm luh dan te pawh vawiin an thu ngaihtuah zingah hian a tel a ni.