Vawiin chawhma khan Prime Minister Rally NCC Republic Day Camp, Garrison Parade Ground Delhi Cantonement ah an hmang a.He hunah hian Prime Minister Manmohan Singh, Home Minister A.K. Anthony; Chief of Army Staff, Chief of Naval Staff; Air Chief Marshall te bakah thenawm ram - Bangladesh, Bhutan, Nepal; Sri Lanka, Kazhakistan Sipai lalte an tel kim hle a ni.

He hunah hian NCC hmalakna hrang hrang hmuhnawm tak tak entir niin parade ah hian Government Mizo Higher Secondary School NCC Pipe Band ten hma an hruai a Prime Minister chuan thusawiin NCC hian hnam dinchhuahnan leh inhmangaihna leh inpumkhatna kawngah hma nasa takin an la a. Social development leh Cancer control te leh hriselna kawng hrang hrang ah training tha tak la in India ram tan an hnathawhte chu a chhenfakawm hle a ni a ti a. Hei hi India mipuite pawhin kan chhuang tak meuh meuh a ni, a ti bawk.

Tribal reprentatives te hian nimin khan President Pranab Mukherjee hmuiin Mizoram aiawha kalte hian Mizo puan (Shawl) leh Mizoram chanchin tlangpui leh hmasawnna tarlanna lehkhabu an pe a. Vawiin Chawhnu hian Vice President Hamid Ansari hmu leh in Mizo puan leh Mizoram chanchin tlangpui leh hmasawnna tarlanna lehkhabu an hlan leh bawk a ni.