4993/2025-2026
Dated Siaha, March 24, 2026 : Vawiin chawhma dar 11:00 khân DC Mini Conference Hall, Siahaah Mizoram sawrkar flagship programme - Bana Kaih chungchangah Siaha District Level Workshop neih a ni a, District Monitoring Committee Chairman leh District Bawrhsap ni bawk Pu VL Hruaizela Khiangte chuan a kaihruai.

Chairman chuan District Level Workshop on Hand Holding Scheme focusing on Loan Assistance chungchang a sawifiah a, kuthnathawktute ṭanpuina tur ruahmanna (scheme) pawimawh tâk sawrkarin a siam ṭhin hrang hrangte hi department official-ten phur leh thatho takin kan bawhzui ṭhin tur a ni, a ti.

Pu Vanlalchhuanliana, DMC Member Secretary leh SDO (S) nibawk chuan Siaha district chhunga Bâna Kaih kalpui dan leh hmalakna hrang hrang report a pe a, Pu JM Soren, Lead District Manager, Siaha & Lawngtlai-in report a pe bawk.

Mizoram State Policy Coordination Committee (MSPCC) a member-te aṭangin Hand Holding Scheme sawizauna leh thil tum inhrilhriatna neih a ni a, Hand holding scheme hnuaia kut hnathawktu hlawtlingte chanchin leh hlimthla thlîrho a nih bakah, sawihona hun hman a ni bawk.

Vawiin ṭhutkhawmah hian Mizoram sawrkar leh MADC-a DMC member-te kokim takin an tel a, Pu Michael Lalhmachhuana Murray, DHO, Siaha-in lawm thu sawina a nei a, hun hman tih tawp a ni.