Vawiin khan State Level Bankers Committee Meeting Special leh a pangngai a rualin Secretariat Conference Hall, New Secretariat Complex-ah Chief Secretary Pu Vanhela Pachuau hovin an thukhawm.

Meeting pawimawh tak tak a ruala neihah hian miharsa zawk leh sum lakluh nei tlem zawk te hamthatna tur thil chi hrang hrang an duan tawh ngaihtuahhovin an inhrilhfiah a. Sorkarin agency hrang hrang hmangin miharsate tanpuina tur sum leh subsidy te a sem thin a. A dawngtu tur ten a hun taka, awlsam zawka an dawn theih nan Reserve Bank of India chuan Electronic Benefit Transfer (EBT) hmangin sorkar hian khairual se tiin rawtna a siam a. District tinah Leader Bank thlang chhuakin chu chu State sorkar nen an indawr anga, District tina Bank awm zawng zawng te EBT a taka hmanna turah hian an tel vek ang. NLUP sum sem nan pawh EBT hman hi rawt niin Serchhip, Aizawl leh Kolasib District hmun thenkhatah hriattur tul lakhawm a nih velah a bul tan nan tih tum a ni. Bank hrang hrang atanga loneimi Crop Loan la duhte tan dilna ang khat hman vek rawt a ni bawk a, he dilna hi peihfela hman theih thuai beisei a ni bawk.

Meeting-ah hian SLBC meeting June ni 28 a neih zawh tak an bawhzui dan an thlirho bawk a ni.

He Meeting-ah hian RBI hotulian te, Guwahati atanga lokal Chief General Manager, SBI te, Department leh Bank hrang hrang hotu te bakah Pu K. Riachho IAS, Rural Development Secretary te pawh an tel a ni.