1036/2023-2024
Lunglei the 7th July, 2023 – Lunglei Addl.District Magistrate, Pu Donny Lalruatsanga chuan 4th July 2023 khan a hnuai ami ang hian bawlhhlawh paih chungchangah thu a chhuah.
Lunglei khawchhunga veng hrang hrang, a bikin - Lunglawn, Ramthar, Chanmari, Luangmual - Sazaikawn kawng dungah te bawlhhlawh paihna tur hmun ni lovah bawlhhlawh paih a ni thin tih hriat a ni a. Hei hian khawchhung a ti tawpin a chhehvela cheng mihringte leh nungchate tan harsatna nasa tak a thlen bakah bawlhhlawh hal vangin kangmei a chhuah phah hial a ni.
Chuvangin, kei, Donny Lalruatsanga, Addl. District Magistrate, Lunglei District chuan Section 144 CrPC in thuneihna min pek hmangin a hnuaia thupek hi ka chhuah e.
'Lunglei Municipality huam chhungah bawlhhlawh paihna hmun atan ruat ni lova bawlhhlawh paih khap tlat a ni a, UD & PA emaw Village Council te'n bawlhhlawh paihna atana hmun an ruatah chauh bawlhhlawh paih tawh tur a ni.'
He thupek hian vawiin July ni 4, 2023 atanga thla 2 (hnih) chhung a huam ang a, he thupek zawm lote chu IPC Section 188 hmangin hrem theih an ni ang.
He thupek hi vawiin July ni 4, 2023 hian District Magistrate seal-a nemnghetin ka hming ka ziah hnan e.
