1037/2023-2024

Champhai, the 5th July, 2023: Vawiin chawhma dar 11 khan Champhai District Level Standing Committee chu District Election Officer Pu James Lalrinchhana hovin DC Conference Hall-ah an thukhawm.

He hunah hian October ni 1, 2023 qualifying date a hmanga Second Special Summary Revision of Electoral Rolls, 2023 kalpui dan turte, Polling Station thlak leh siamrem ngai Rationalisation of Polling Station chungchangte ngaihtuahho a ni.

District Election Officer Pu James Lalrinchhana chuan khua leh tuite chu sawrkar thu chhuah ngaipawimawha electoral roll-a luh theih hun chhung bawhpelh lova ngaihven thin tura sawmin, electoral roll-a chuang thei khua leh tui dik takte roll-a lakluh an nih theih nan leh dan lova luh tumte ven kawngah tanrual thiam a tul hle a ni, a ti a. Dan tlawhchhana hmalak a him thu leh dan zawm hram hram a pawimawh thu sawiin, District Level Standing Committee member-te hi electoral roll thianghlim leh felfai tak siam tura mawhphurhna nei kan nih avangin midangte zirtir leh hrilhhriat kawngah theihtawp kan chhuah a tul a ni, a ti a. Document felfai taka vawn a pawimawh thu pawh sawiin, document hrang hranga nihna tarlannate a in an vek a tul thu a sawi bawk a. Inthlanna muanawm leh felfai tak neih a nih theih nana thawhhona tha tak, Champhai District-a lo awm tawh thin chu chhawmnun zel a nih theih nana theihtawp chhuah tlanpuiah kalkhawmte a sawm a ni.