1035/2023-2024

Aizawl, the 5th July 2023: Nimin, July ni 4, 2023, chawhnu dar 3:00 khan MSCPCR leh CWC hotute chuan District & Session Judge, Aizawl Judicial District leh Fast Track Special Court (POCSO) an tlawh a, District & Sessions Judge. Pu Vanlalenmawia’n MSCPCR hotute leh CWC te hi a lo dawngsawng a ni.

MSCPCR Team hi Dr. C. Lalsangzuala, Chairperson, in a hova. Commission Member pahnih (2), Dr. Julie Remsangpuii Fambawl, Pi K. Malsawmzuali, Pi Lalengvari, Secretary, Pu Lallianzuala Chawngthak, Superintendent, Pi Priscilla Lallawmsangi, Legal Officer leh Pu Francis Lalthaenga, Counsellor ten an tawiawm bawk. Child Welfare Committee (CWC), Aizawl District atangin Pi K. Lalremruati, Member, CWC a tel bawk.

He inkawm hona hunah hian District & Sessions Judge leh MSCPCR te chuan Mizoram chhunga naupangte dikna leh chanvo humhalhna kawngah thawhhona tha an neih a tul thu an sawi ho a. Mizoram State Commission for Protection of Child Rights (MSCPCR) chu Dan in thuneihna a pek angin POCSO Dan leh a kaihhnawih te kenkawhna kawngah thuneihna a pe a, he Dan hnuaia a a tuartu (victims) ten harsatna chi hrang hrang an lo tawh thin te chu District & Sessions Judge hnen ah hrilhhriat a ni.

MSCPCR chuan POCSO Act in a sawi ang a pawikhawihtu (Thubuai nei mek) ten Court Room-ah emaw Court Compound chhunga a tuartu naupang nen hmaichhana in hmuh a khap tlat a, video emaw voice recording hmang tea a tuartu naupang thu leh hla te chu a tul a nih chuan hman ni rawh se a ti a; tin, a tuartu naupangin amah khawihtu a hmuh emaw a identify dawnin Darthlalang lang tlang theilo (One sided mirror) hmang ngei bawk turin a ti bawk, tin, In-Camera (A Case kaihhnawih chiah te awm na ah) in POCSO Case te hi kalpui thin ni se a ti bawk a ni.

Internet Social-Media-a naupang hming, nihna leh thlalakte tarlan a ni leh thin hi Commission chuan pawi a ti in hetianga tarlan hi POCSO Dan kalh leh hrem theih an ni tih a tarlang. Court atanga Chanchinbu mi leh mi nawlpui hriattur information pek chhuah kawngah uluk taka thlitfim hmasak thin ni se a ti bawk. POCSO Case la chin fel loh (Case 272 upto Feb.) te hi chak zawka chinfel a nih theih nan Court in chak takin hma la se tih chu Commission duhdan a ni.

District & Sessions Judge, Pu Vanlalenmawia chuan District Court-a POCSO Dan hnuaia pawikhawihna tuartu naupangte leh naupang dang, nu in case hrang hrang avanga Court-a an lo hruai tel te lo buaipui tu tur Child Welfare Officer/Probation Officer thutna tur room/hmun an pek theih tur thu a sawi a, Commission chuan theihtawp chhuaha hma an lak tur thu an hrilh bawk. POCSO Victim Compensation Scheme chungchang pawh sawi ho niin naupang pawikhawihna tuartuten a hun taka Compensation an dawn theihna turin theihtawpa hmalak ho ni se an ti bawk. District & Sessions Judge ho hian POCSO Case ngaihtuahna Court Room hrang hrang leh facility (One-sided Mirror) te en ho ani.

He inkawm hona ah hian Aizawl District Court atangin Pu P. Singthanga, Presiding Officer, Fast Track Special Court (POCSO); Pu R. Lalthazuala, Presiding Officer, Fast Track Special Court (Rape & POCSO Act); Dr. HTC Lalrinchhana, Special Judge, PC Act; Pi Lalrochami Ralte, Chief Judicial Magistrate; Pu H. Lalduhsanga, Sr. Civil Judge leh Pi Rosemary, Special Public Prosecutor (POCSO) te an tel bawk a ni.