1034/2023-2024

Lunglei the 5th July, 2023 - Election Office, Lunglei District buatsaihin a duh apiangte tana EVM hmanga Vote thlak zirna hmun 'EVM Demonstration Centre' chu vawiin atang khan hawn a ni.

Kum 2023 inthlanpui lo awm tur atana inbuatsaihna kal zelah Voter ID nei thar ten Vote thlak dan anlo hmelhriat lawk ve theihnan leh a nei tawh te pawhin an inzir thar leh theihna atana he Vote thlak zirna hi buatsaih a ni a. 'EVM Demonstration Centre' hi duh apiangte tan Sawrkar Pisa kai hun chhungin Lunglei DC Office Ground Floor, Election Branch ah pan theih reng a ni.

EVM Demonstration Centre hi Election Commission of India in Mizoram Assembly Election, 2023 a puan hma chu neih a ni dawn a ni.