3828/2022-2023
Pi Ramdinliani, Deputy Commissioner, Lunglei leh District Magistrate,Lunglei nibawk chuan bawlhhlawh paihna hmun ni lova bawlhhlawh paih chungchangah a hnuai a mi ang hian thu chhuah a siam.
Lunglei khawchhunga veng hrang hrang, a bikin Lunglawn, Ramthar, Chanmari, Luangmual- Sazaikawn dungah te bawlhhlawh paihna tur hmun ni lovah bawlhhlawh paih a ni thin tih hriat a ni a. Hei hian khawchhung a ti tawpin a chhehvela cheng mihringte leh nungchate tan harsatna nasa tak a thlen bakah bawlhhlawh hal vangin kangmei a chhuah phah hial a ni.
Chuvangin, kei, Ramdinliani, District Magistrate, Lunglei District chuan Section 144 CrPC in thuneihna min pek hmangin a hnuaia thupek hi ka chhuah e.
Lunglei Municipality huam chhungah bawlhhlawh paihna hmun atana ruat ni lova bawlhhlawh paih khap tlat a ni a, UD&PA emaw Village Council ten bawlhhlawh paihna atana hmun an ruatah chauh bawlhhlawh paih tawh tur a ni.
He thupek hian vawiin March ni 10,2023 atanga thla 2 (hnih) chhung a huam ang a, he thupek zawm lote chu IPC section 188 hmangin hrem theih an ni ang.
He thupek hi vawiin March ni 10,2023 hian District Magistrate seal- a nemnghetin ka hming ka ziah hnan e.
