No.4111/2021-2022

Aizawl, the 25th February 2022: Aizawl District Level Skill Committee a vawikhat na atan dt.24.2.2022 khan Aizawl DistrictBawrhsap Dr. Lalhriatzuali Ralte, Chairman, DSC ni bawk hovin Aijal Club-ah an thukhawm.

Aizawl Bawrhsap chuan Mizo thalaite kut them thiamna kawnga hma kan sawn a, eizawng thei tura kan inchher hriam zel theih nan department hrang hrangte kan tanrual a pawimawh a ni a ti a. Mizoram chhunga thiamna mamawh awmte hai chhuak a, skill demand-supply awmte kan ngaihtuah a hun tawh a ni tiin, foreign job opportunity awm theite pawh dap a, kalkhawmte hemi kawnga ngaihtuahna lo seng zui theuh turin a chah bawk a. Theih tawp chhuah a nih tur sawiin Aizawl District chu Skill District ah siam tum a ni a ti.

Skill Development Mission chak lehzual zawka Mizoram chhunga kalpui anih theih nan Committee hrang hrang din alo ni tawh a. Chief Minister kaihhruaina hnuaia Mission Governing Council chu committee sang ber a ni a, Skill Development lama hmalatu department changtu Minister-te chu he committee-ah hian member an ni. Steering Committee cum Coordination Board hemi hnuaiah hian awm lehin, Minister, LESDE Department chu Chairman a ni a, Secretary, LESDE chu Member- Secretary ah awmin, he committee-ah hian Skill Development kalpuitu department Secretaries-te chu member niin, an hnuaiah hian Executive Committee awm lehin, chumi hnuaiah chuan District Skill Committee hi a awm a, DC tinte kaihruaihna hnuaiah he committee hi din a ni.

District Skill Committee, Aizawl thukhawm hian zau zawka skill awareness kalpui a nih theih nan Sub-Committee din turin a rel a. Sub-committee kaihruaitu atan, Asst. Commissioner, Aizawl District chu ruat a ni. MZU Incubation Centre-in District Skill Development Plan a buatsaih mek chungchang pawh sawiho niin, District Skill Committee hmaah peihfel a nih huna chawp chhuah anih tur thu report a ni.

Aizawl District Skill Committee thutkhawmah hian Skill Development lama hma latu department hrang hrangte an tel a, LESDE Department hnuaia Skill Development programme kalpui hrang hrangte report ngaihthlak nghal a ni. District Skill Development Plan Preliminary Report, IIM hnuaia Mahatma Gandhi National Fellow buatsaih chu he hunah hian ngaihthlak niin, Mizote'n kan rama kan tharchhuah te leh hmanrua te tangkai lehzual zawka hmanga, heng Mizo thilsiam chhuahte pholan na atan social media platform hmang tangkai a, hralh chhuah lamah pawh nasa takin a puih beisei a nii. Heng bakah hian Foreign Placement Opportunities chungchang sawi a ni a, Mizo thalai tam tak ram danga hnathawka an awm chuan Foreign Remittance tam tham tak Mizoramin kan neih theih thu sawi lan a ni bawk. Aizawl District chhunga PMKVY Scheme hnuaia Job Role hrang hrang te enhona neih nghal niin, Aizawl district in a mamawh training kalpui tur job role-te sawiho ho a ni.