Vawiin hian Lawngtlai DC Conference hall ah District Consultative Committee, District Review Committee leh District Level Security Committee chu SBI Lead Bank, Lunglei buatsaihin neih a ni a, Langtlai DC leh District Level DCC Committee Chairman ni bawk Pu J. Hmingthanmawia’n a kaihruai a ni.

Pu J. Hmingthanmawia chuan, Bank te hi sum peipung tur ringawta din leh siam an nilova, ramin hma a sawn theihna tur leh mi rethei zawkte khaichhuahna kawngah tih tur pawimawh engemawzat an nei a, an tih ngei tura beisei pawh sawrkar in a bituk sak a ni. Lawngtlai District chhunga Bank hrang hrangte pawh an tih tur sawrkarin a beisei te tha taka an tih a ngai a, District hmasawnna tur thil an kova awm te tha taka hlen thin turin kan beisei a ni, a ti.

He Meetingah hian SBI Lead Bank, Lunglei a Chief Manager Pu James Pachuau in kum kalta September thla thlenga Lawngtlai District chunga Bank hrang hrangte hnathawh tlangpui report a pe a, kawng hrang hranga mahni Target tlin phalo Bank te thuam chak an nih theih dan tur te, mumal zawka mipuite nena an indawr theih dan turte, bank venhimna lama hmalakna tur thil pawimawh hrang hrangte an sawiho zui nghal a ni.

He Meetingah hian Bank hrang hrang aiawhte, Sawrkar Line Department aiawhte leh Observer te bakah Special Invitees te an tel a ni.