Vawiin tlai ah khan Raj Bhavan ah Aizawl leh Tuipang inkar National highway 54 laih zauh leh siam that hna thawktu tur National Highways and Infrastructure Development Corporation(NHIDCL) hotute chuan Governor Lt.Gen(Rtd) Nirbhay Sharma hmu in an hnathawh tum dan an hrilh.

Pu V.K. Srivastav, General Manager, NHIDCL leh Pu Piyush Singh, Project Manager, NHIDCL, Mizoram te chuan Japan International Cooperation(JICA) sum puk in National Highways and Infrstructure Development Corporation(NHIDCL) chuanKM 380 a thui, NH 54, Aizawl leh Tuipang khaw inkar kawngpui chu chei that a nih tur thu Governor an hrilh a. NH 54 hi 12 metre lai a zauva siam a nih dawn bakah alkatra luan chin pawh 8 Metre a zau a nih tur thu an sawi a. Kum in chhunga land acquisition chinfel hman a nih chuan nakum hnathawh theih hun atanga kum 4 ral hma ngei a siam zawh tum a ni an ti.

Governor Lt.Gen(Rtd) Nirbhay Sharma chuan NH 54 tha takin KMMTTP kawngpui chhim lamah a thlun zawm thei chu lawm awm a tih thu sawiin Mizoram tan a hlu hle dawn a ni a ti a. Mimal ram lak hek tur chinfel, central sawrkar nen in dawr na a harsatna awm thei leh kawngpui siam ti thuanawp thei chinfel pui an ngai a nih phawt chuan a theihna zawn ah hma a lo lak tur thu NHIDCL hotute hi a hrilh a. Mizoram in kawngpui tha a mamawh em avangin NHIDCL te chu an hnuaia contractor te felfai taka enkawl reng tur in a hrilh a ni.