Poshan Abhiyaan (National Nutrition Mission) kum khat tlin lawmna atana Awareness Campaign kharna atana buatsaih Cycle Rally chu vawiin chawhma dar 10:00 khan DC Office tual atangin Pi Sangchhin Chinzah, District Bawrhsap chuan a vai liam.

A vailiamna hun tawiah Pi Sangchhin Chinzah chuan, mihring ten ei tur hrisel kan mamawh khawp kan ei loh chuan kan taksa in a nih tur ang a ni phak lo thei a. Kan theihna te, kan chakna te, kan hriselna ten a tuar thin a ni. Chuvang chuan India sawrkar chuan naupang ten ei tur tha an ei ngei theih nan hmalakna lian tak a duang ta a. He hmalakna hi a pawimawh hle a, Serchhip District pawhin kan chhawr tangkai ngei ka beisei a ni, a ti a. He Rally nei tura kal khawm naupangte chungah lawmthu a sawi bawk a ni.

Pu Lalbiakliana, CDPO Serchhip pawhin Poshan Abhiyaan chungchang sawifiahna tawi a nei a, tun March 8th – 22nd chhung hian Poshan Abhiyan kum khat tlin lawm a nih thu leh chu a lawmna kharna atana he Rally hi buatsaih an nih thu a sawi a.He scheme hian naupang, nu naupai leh nu hnute tui pe lai ten chaw tha an mamawh ang an hmuh theihna tura hma lakna niin. Technology hrang hrang hmanga naupang rih zawng zang lutuk te, thisen tlachham te tih tlem tumna te, naupang, tleirawl, nu naupai leh nu hnute tui pe laite ngaihvenna programme a nih thu a sawi a ni.

Tin, PMMVY Scheme Awareness programme pawh neih nghal niin he scheme hnuaiah hian Serchhip District ah nu, fa pakhatna paite hnenah Rs. 5000 theuh sem a ni a, a vaiin Rs. 41,74,000 sem chhuah a ni tawh a ni.

Vawiina Rally te hi T- shirt pek vek an ni a, an hmun tiam an thlen hnuah an School luh huna hman tur tui paina bottle pek vek an ni bawk.