Mizoram sawrkar, Sports & Youth Services Department chuan tukin zing dar 6:00 khan Mizoram mipuite hriselna lama kan harh thar zel theihna turin FIT MIZORAM RUN a buatsaih a, he hunah hian Sports & Youth Services Department a thawktu zawng zawngte, Mizoram State Sports Council te, Aizawl khawpui chhunga college hrang hrang atanga zirlai thlan bikte leh State level Sports Association zawng zawng ten khawpui chhung hmun hrang hrang pathum; Aizawl North College kawt, Kulikawn leh Chhangurkawn (Luangmual) atangin AR Lammualah tlan khawmin Fit Mizoram Run hi an hmang a ni.

Fit Mizoram Run in a tum ber chu Mizoram thalaite taksa chher sak te, an rilru tah hriamsak leh mi tling leh tlak (mi fit) ni tura puih leh chher a ni. Chumi atan thalaite rilru chawhthawh a, hriselna atan taksa sawizawi ngaihpawimawh tir te, mi viaktha leh thothang tha a siam te leh tunlai thangthar chin tha lo hrang hrangte laka fihlim thei tura buaitsaih chu a ngaihpawimawh a ni a. Chutiang thalai hrisel leh viaktha te chu Sports Discipline hrang hrang atan chhertlak leh hmantheih an lo ni tawh ang.

Infiamna khawvel kan thlir chuan, Mahni tihtur leh tum hlen tur a, chakna leh theihna zawng zawng hmanga taima tak leh inthlahdah hauh lova beitute chuan hlawhtlinna an chang nge nge thin. Chutiang zia nei tur a Mizo thalaite rilru kaihharh hi ”Fit Mizoram Run” in a tum chu a ni.