Vawiin chawhma dar 11:00AM khan Pi Harleen Kaur IAS, Bawrhsap leh District NLUP Implementing Committee Chairman ni bawk hovin a Office Chamber-ah Siaha District chhunga NLUP line Department-a Head of Office ten Meeting an nei.

He meeting-ah hian Siaha District Bawrhsap Pi Harleen Kaur IAS, chuan NLUP chu Sawrkar Flagship Programme a ni avangin hriat chian a duh a, a ngaipawimawh hle a ni, tih NLUP Line department-a Head of Office kalkhawm te chu a hril a. Sawrkar hnathawk kan nih angin, sawrkar proramme pawimawh te chu tihhlawhtlin ngei tumna rilru nena hna kan thawh a, mipui rawng kan bawl a tul hle a ni, a ti. Pi Harleen chuan District NLUP Implementing chairman a nihna angin, NLUP kalpuina kawnga harsatna leh thurawn an neih te a hnenah inthlahrunna nei miah lo va thlen zel turin Head of Office te chu a ngen a. NLUP Line Department-a Head of Office te chuan an Department theuh hmalak tawhna leh hmachhawp te Report pein, NLUP chungchang huangzau takin sawiho an nei a ni.