Vawiin chawhnu dar 3:00Pm khan District Bawrhsap Pi Harleen Kaur IAS chuan a office chamber-ah hmanni lawka Siaha District atanga Padma Shree dawngtu Pu A.Zakia te nupa chu thingpui inpuiin, Chawimawina thuziak a hlan nghal.

Pi Harleen-i chuan Pu A.Zakia chu a chanchin mi hnen atanga a lo zir atangin,  Literature field-ah chauh ni lo, khawtlang leh kohhran tana mi chhuanawm, a fa te pawh mahni eizawnna kawnga mi chhuanawm leh hlawhtling tak tak vek an ni a hriatthu sawiin,  a eizawnna ber zirtirtu hna athawhna-ah pawh President Award dawng phah ngat khawpa mi hrat khawkheng a nihna hian, mi rinawm, taima leh  mi tumruh mi  a nih zia a lan tir a.  Padma Shree  a dawn hi a phu hliah hliah  a ni, a ti.

Pi Harleen Kaur chuan Padma Shree Awardee chibai buk phaka a awm ringawt pawh hi changsang a intih thu sawiin, Pu A.Zakia chu Siaha District abik takin, Marafa te tana kawngsialtu   Arsi ropui a ni a.A hlawhtlinna hian thangthar te hnena tumruhna, tawhrimna leh rinawmna nei turin chona a siam ngei a beisei thu a sawi bawk.

Pu A.Zakia  chuan kum tam tak min la dampui se, a hlawhtlinna hian a mah ang mi chhuanawm hi Siaha District in hrinchhuah   zel theih nan ka   duhsakna sang ber ka hlan e, tiin Pi Harleen Kaur chuan Siaha District Administration hmingin Chawimawina Thuziak chu Pu A.Zakia hnenah a hlan ta a ni.