Vawiin April 18, 2018 chhun dar 12 :00 khan Archive Hall Babutlang, Aizawi-ah State Central Library, Art & Culture Department leh RRRLF, Kolkata buatsaihin Aizawl City Library Awareness Campaign neih a ni a, Pu R. Hmingthanzuala, Director, Art & Culture Department chu Khuallian a ni. He Awarenes Campaign hi Pu Lalram liana, State Librarian-in a kaihruai a; Dr. Lalremsiami, Librarian, Mizoram University chu Resource Person a ni. He campaign-ah hian Aizawl khawpui chhung YMA Branch 84 atangin mi 131 an kal a, he Programme hmangtute Library pawimawhnate,library enkawl dan te leh tih hmasawn zel dan turte an zir ho a ni. Library Awarness Programme hi Kolasib, Lunglei leh Champhai-ah te an lo nei tawh a ni.

State Central Library, Art & Culture Department hi New Secretariate Complex, Khatla Aizawl-ah a awm a, Mizoram chhunga khua leh tuite tan member a nih theih reng a, membership form hi office atanga lak chhuah tur a ni a, membership fee hi puitling tan Rs 20/-leh naupang tan Rs. 10/- a ni a, Puitling tan security deposit Rs. 100/-dah a ngai a, passport size thlalak copy 2 ken tel a ngai bawk. Tin, Library-ah hian a duh apiang tan Lehkhabu a donate theih reng bawk a ni. State Central Library, Art & Culture Department chuan Library member ni tur leh Library tlawh thin turin mipuite an sawm a ni.