Kolasib Bawrhsap Pu Zoengsanga chuan vawiin khan kolasib DC Conference Hall ah kawnpui women farmer's club (KWFC) din champha vawi hnihna chu khuallian niin a hmanpui.

Khuallian chuan kalkhawm te chu Kawnpui women farmer's club  din cham vawi hnih na lawmpuina chibai bukin KWFC hmalakna chu chhuanawm a tih thu sawiin mahni kea din tumna thupuia an nei chu thil chhinchhiah tlak tak ani tiin fak an phu ani ati bawk.
Bawrhsap chuan Mizo te kan la intodelh lo zia chu kan hre tlang vek a, Ram leh Hnam hmasawn ni tur chuan intodelh a ngai a, ei leh bar lama intodelh nih hi kan ngai pawimawh hmasa ber tur ani a ti. Pathian in kan Ram hi malsawmna nasa takin a vur a, ram leilung ngeih zawng ngaituaha awmze neia hmalak chuan Kan Ramah hian intodelh na tham malsawmna a awm ani a ti.
Mizo Society ah hian kan ngaihsan zawng (value system) hi kan thlak a hun tawh ani tiin dinhmun mila khawsak ngam a ngai ani a ti a, engtin nge kan intodelh theih ang tiin mahni hmazawn theuh ah taima  tak leh awmze neia hmala turin kalkhawm te a sawm bawk a ni.

He hunah hian KWFC hian an thil siam te char phuina tur khawl (sealing machine) chu Agriculture Department atangin an dawng a, ICAR in kuhva kau atanga eco-friendly disposable plate leh bowl siamna tur khawl pe bawkin Horticulture Department chuan deep freezer an pe bawk.

KWFC hi Mizoram a Women Farmer's Club hmasa ber niin July 2017 a din ani a tun dinhmunah member 30 vel an awm mek a, NABARD, ICAR, KVK te ban tha chakna rinchhanin an kal a, Agriculture, Horticulture leh Forest Department ten nasa taka pui bawkin Agricultural Technology Management Agency kaltlangin training te an nei thin ani.