Nimin ni 17th January 2012 khan BDO Open Trophy Football Tournament Zawlnuam Vengpui Playground-a ni 10th -17th January chhunga neih chu Pu Lalrinmawia Ralte Parliamentary Secretary, Home etc bialtu MLA ni bawk chuan a kharna hun a hmanpui.

He Tournament kharna hun Pu J. Malsawma Zawlnuam Zone President kaihhruaiah Pu Lalrinmawia Ralte chuan a bialchhunga BDO Open Trophy Football Tournament buatsaih thei a ni chu lawmawm a tihthu sawiin a bialchhungah thalaite infiamna tur Playground pali siam zawh a nih tawh thu leh 12 pawh siam mek a nih a kalkhawmte a hrilh a. Vengpui khelmual chu kan Sport Minister Pu Zodintluangan chei that that a nih tur thu a sawi te a tarlang bawk, Pu Rinmawia chuan Hachhek tlangdung hi Football thiam kan nia heng kan thiamna te hi chhawm nung zel tur leh thalai te ruihtheih thil laka fihlim tlat turin a chah bawk a ni.

He hunah hian Pu Sanglianmawia Organising Secretary chuan Report a pein He Tournament-ah hian Zawlnuam Zone leh Kawrthah Zone atangin infiammi Team 18 telin Final ah hian Bawrai leh Vengpui te inkhelin Lawmman hi Pakhatna in Rs 30,000/ pahnihna in Rs 20,000/- leh, 3-na in Rs 10,000/- Lawmman hian pawisa fai bakah Trophy a keng tel a ni.

Lawmman te hi Pu Lalrinmawia Ralte Parliamentary Secretary Home in a hlan a ni.

Pu Lalrinmawia Ralte hian Hachhek tlangdung khaw hrang Tuidam, Kawrthah, Rengdil, Zamuang, Hriphaw, Kawrtethawveng leh Darlak khua te tlawhin khawtinah khawtlang hruaitute kawmna a nei bawk.