4716/2024-2025

Dated Aizawl: the 19th March, 2025 : Vawiin khan State Institute of Rural Development &Panchayati Raj (SIRD&PR) Mizoram buatsaih ni 3 (19-21.3.2025) awh tur, “Refresher Training Course for Block Development Officers (BDOs)” chu, SIRD&PR, Mizoram Conference Hall, Durtlang Leitanah Pu V. Lalsangliana, Secretary to Governor, Mizoram chuan Khuallian niin a hawng.

Hawnna hunah hian khuallian Pu V. Lalsangliana chuan thusawiin, BDO chu hna pawimawh tak a nih thu leh an awmna hmun theuhah hmasawnna kawng zawh tura hma lattu  an ni tih inhre reng turin kalkhawmte chu a chah a. BDO an nih lai chu an hna kal zel atan training-na tha tak a nih thu sawiin,, mipuite hmaichhan ngeia dawrtu an nih avangin an pawimawh hle tih a sawi a. BDO an nih lai chuan hriatreng tur thil eng emaw tal  hnuchhiah nei tur te, staff-te leh mipuite thawhpui thiam turtea fuihin, an hna thawhna apiangahte chuan  convergence ngaih pawimawh thin tur te leh theihtawp chhuah zel tur tein a chah nghal bawk a ni.

Training hawnna hi Dr. M.S. Dawngliani, Associate Professor, SIRD&PR, Mizoram chuan kaihruaiin, Dr. Khuangthansanga Pakhuangte, Associate Professor, SIRD&PR, Mizoram, Course Director ni bawk chuan Training neih dan tur tlangpui leh hriattur pawimawhte a sawi a. Training-a kal BDO 18-te hi Line Department hrang hrang ten an Department hnathawhte zirtirna an neih bakah SIRD&PR Faculty-te chuan zirtirna an pe dawn bawk a ni.