Aizawl chhuahlam kawngpui Bethlehem veng leh College veng inkar kawngpuiah SIPMIU (NERCCDIP) hmalakna in tuichhe paihna tur pipe (Sewarage Network) kawngpui laichata phum a ni dawn a. Chuvangin he kawngpui Bethlehem veng leh College veng inkar hi ni 27th October, 2015 atangin hunbi neia khar a ni dawn a. Kawngpui hmangtu leh lirthei khalhtu ten helai kawng tlan dan tura SP Traffic thuchhuah hi zawm theuh tur a ni :

Mipui harsatna zualpui phuhruk anih theih nan helai kawngpui hi sikul naupang leh office kal turte ti buai lo thei ang turin zing dar 9:30 atanga chawhnu dar 3:00 leh tlai dar 5:30 atanga zan dar 10:00 chhung in khar a ni ang. Amaherawh chu, helai kawngpui sawiah hian engtik lai mahin thuleh awm hma chu 407 leh a chunglam MMV leh HMV te an tlan phal a ni lo.

I. Bethlehem veng kaltlang Line Bus Service te tlan dan tur :-

(l) College veng to New Market Line Bus Stand-via- College veng (PUC), Bethlehem vengthlang kawn-via-Sihlui, Chhinga veng.

(2) New Market Line Bus Stand to College veng-via Bazar Bungkawn, Treasury Square, Republic etc.

II. Bethlehem vengthlang leh Sihlui inkar kawngpuiah lirthei engchi mah kawngpui khar anih chhung hian chhuk zawnga tlan phal a ni lo.

III. Bethlehem dawrkawn atangin LMV leh Two Wheeler te kawngpui khar chhung hian chho zawnga tlan phal a ni lo.

IV. Bethlehem dawrkawn, Sikul Road atanga tlan chhuk te Sihlui lamah kawngpui khar chhung hian an kual phei a rem lo a. Bethlehem vengthlang kawnah chhukin Sihlui lamah tlanchhoh leh tur a ni ang. He thupek hian ni 27.10.2015 atangin thuleh awm hma chu hman tur a ni ang.

Thupek zawm lo te chu MV Act & Rules hmangin hremna pek an ni ang.