North Eastern Region Textile Promotion Scheme hnuaia Mizorama Project kalpui mek pahnih – Integrated Sericulture Development Project (ISDP) leh Intensive Bivoltine Sericulture Development Project (IBSDP) vil tu Project Implementation and Implementing Committee chu an Chairman Pu Lalrinmawia, Director, Sericulture Department hovin vawiin khan Serchhip DC Conference Hall-ah an thukhawm.

Vawiin thukhawm hian Mizoram chhunga District hrang hranga he Project kalpui anih dan leh hlawhtlinna an hmuh tawh te an thlir ho bakah hmalakna tur leh harsatna na tawh te sutkian dan tur an sawi hova, Mizorama nasa zawk leh uar zawka Maimaw pangang vulhtute tana hmalak dan tur te an sawiho bawk.

Vawiin thutkhawm hi Pu Lalrinmawia, Director, Sericulture Department in a kaihruai a, Central Silk Board atang Pu BN Choudhury, Scientist ‘D’ a tel bawk a, Mizoram chhunga District Sericulturte Officer zawng zawng leh Sericulture Extension Officer te an tel vek bawk a ni.

Vawiin a Serchhip a Project Implementation and Implementing Committee thutkhawm hi a tum hnihna niin September thla khan Aizawlah thutkhawm vaikhatna neih alo ni tawh bawk a ni.