Tourism, Transport leh Food Civil Supplies Minister Pu John Rotluangliana chuan vawiin ni 27th October, 2015 khan Baktawngah Pu Chana piancham vawi 105 na a hmanpui. Minister hi Parliamentary Secretary Pu TT Zothansanga, Tourism Secretary Pu Lalremthanga leh Tourism Department Official engemawzatin an tawiawm a, Tourism Department in Baktawng-a Tourist Lodge sak an tumna hmun te an en nghal bawk.

Pu Chana hi Baktawng Tlangnuam a in khuar Chhuanthar Kohhran hotupa Pu Zion-a pa a ni a. Anni hi Chana Pawl tia hriat lar thin kha an ni. Pu Chana Birthday hi sakhaw ni pawimawh angin kumtin an hmang thin a, chhimtu pawh an nei tha thei hle a ni.

Baktawng hmun hi Tourism hmun pawimawhte zing a mi anih angin Department chuan an Official Website turin an chanchin ziakna leh thlalaknate an nei nghal bawk a ni.