1917/2026-2027

Lawngtlai, 24th August, 2026 : Vawiin chawhma dar 11:00 AM  khan Lawngtlai Bawrhsap Pu Donny Lalruatsanga kaihhruaiin a Office Chamber- ah Beti Bachao Beti Padhao (BBBP) hnuaia 'Project Genesis' kalpui dan tur relin thutkhawm neih a ni.

Pu Donny Lalruatsanga chuan kalkhawmte hnenah lawmthu sawiin, Project Genesis - chu  BBBP hnuai a project niin Mamit District, Lunglei District, Lawngtlai District leh Siaha District - ah te kalpui tur niin; nu naupai ten Antenatal Care (ANC) lak that leh naupai ten nau neih theihna Damdawi In ngei a, nau an neih nana hmalakna a nih thu a sawi a. Lawngtlai District - a zau a, thingtlang tam zawkah thawktu indaih lohna leh medical lama inekawlna tha awm lohna a tam em em a, hemi a nih avang hian 'Project Genesis' tha taka kalpui a pawimawh zual hle a ni a ti. Project Genesis - tha tak a kalpui turin Nodal department, W&CD leh Health Department an pawimawh hle tiin theih tawp chhuah turin a sawm a ni.

Pi F. Lalengvari, District Mission Co - ordinator chuan Project Genesis kalpui dan tur leh hmalakna tur hrang hrangte sawi zauna neiin Project Genesis hi kum khat chhung kalpui tur a nih thu a sawi a. Damdawi In a nau neih hniam tihkiamna tur te; Raipuar ten Form hmanga Registration ti a, dik taka ANC an lak leh Anganwadi atanga chaw tha an dawn a, damdawi In ngei a nau neih ngei theih nan te; he  project kaltlanga raipuar ten Vaccination an lak leh nau neih zawh a diaper, Sanitary pads bakah nau neih dawn a motor /ambulance hman man STI rate a pek an nih tur leh hamthatna an dawn theih hrang hrangte tarlanna a nei a ni.

Thutkhawm hmasaa CMO leh WCD - te 'Project Genesis' kalpuina tur khua thlang chhuak tura tih an nih angin hetiang hian thlan a ni. Boropansury PHC Delivery Point hnuaiah Boropansury-I, Boropansury -II, Silsury, Ugalsury, Boronasury leh Chhotapansury; Zochachhuah  Delivery Point hnuaiah Zochhachhuah,Laitlang, T.Dumzau, Hmawngbuchhuah leh Dumzautlang; Tuithumhnar FC Delivery Point hnuaiah Tuithumhnar, Hmawngbuchhuah; Vawmbuk Sub - Centre Delivery Point hnuaiah - Vawmbuk, Archhuang leh Tialdawngilung; Bungtlang South PHC Delivery Point hnuaiah Bungtlang South, Saikhawthlir, Hmunnuam, Ngengpuitlang, Darnamtlang, Lunghauka leh Kawrthindeng te thlan a ni.

Dr. Lalmuanawma Jongte, Sr. CMO chuan 'Project Genesis' kalpui tura pawimawh hrang hrangte sawizauna a nei a. PMMVY 2.0, JSY, JSSK atanga raipuar ten hamthatna an dawn te; Project Genesis kalpui tura 'Delievery Point' a hmanrua mamawhte bakah tui connection leh current that lohna hmuna 'Solar Backup' a awm theihna tur a hmalak mek a nih thu a sawi a. Thutkhawm chuan Health Department ten Healthworker leh Health & Wellness Center - a thawktute tan 'Orientation Trainning' lo buatsaih se, BDO kaltlangin 'Village Level Awareness' neih ni se, District Level - ah Sensitization neih nibawk se tiin, Project Genesis - hnuaia hmalaknate endik thin ni se an ti a ni.

Vawiin thutkhawmah hian Member-te an tel kim tha hle a, Bawrhsap chuan lawmthu sawiin thutkhawm a khar.