Vawiin hian Serchhip District Panchayati Resource Centre, Tarpi tlanga SIRD & PR hnuaia khawtlang hruaitu training mek te hnenah Beti Bachao Beti Padhao (BBBP) Serchhip District hmalakna leh a thiltum te inhrilhhriatna (sensitization) buatsaih a ni a. Pu K. Saitluanga, DIPRO chuan BBBP chungchang zirtirna a pe.

Ministry of Women & Child Development, Government of India kaltlanga fanu thar te lo lawma, lo venhima, an zir puitlin ngei theih nana ram mipuite zirtirna, BBBP hi Serchhip ah kalpui mek niin District Task Force chuan district chhunga village councils te, tlawmngaipawl hrang hrang te, kohhran hruaitute, Self Help Groups te leh khawtlanga pawl hrang hrangte hnenah BBBP hrilhhriatna neih ni se tia hmalakna tur a duang a. Chu ruahmanna ang chuan vawiinah pawh hian SIRD & PR hnuaia district chhunga khaw hrang hrang atanga lokal khawtlang hruaitu leh SHGs hruaitu, training nei mek te hnenah an training tikhaihlak lovin BBBP chungchang inhrilhhriatna hi neih a ni a. BBBP programme lo chhuah chhan te, a thiltum langsar te, Serchhip District chhunga hmalak tawhna leh hmachhawp awm hrang hrang te hrilhhriat niin, BBBP hmalakna tinrengah thahnem ngai taka lo tanpui thin turin sawm an ni.

BBBP hi fanu thar lo piangte hmangaih leh duat taka enkawla, zirtir puitlin ngei tum tura inzirtirna a ni.