Vawiin Chawhma Dar 11:00 khan SP Conference Hall Serchhipah District chhunga Police Officer te tan Dan leh thupek kenkawh awlsam zak nana duan Beat System Training buatsaih a ni.

He hun hi Pu PC Laltanpuia, Addl. SP Serchhipin chuan a kaihruai a, khuallian Serchhip SP Pu R. Sathiyasundaram, IPS chuan training hawnna thu sawiin, District chhungah inrelbawlna tha zawk, dan leh thupek kengkawhtu Police ten chak zawk a hma an lak theihna tur atana kalphung thar Beat System chungchang training chu hlawk taka hmang turin Police Officer te chu a chah a ni.

Beat System Trainingah hian Resource Person Pu PC Laltanpuia, MPS, Addl. SP Serchhip chuan Serchhip Police ten dan leh thupek kenkawhna leh hnuchhui kawnga awlsam zawk leh chak zawka hma an lak theih nan kalphung thar leh tha zawk nia ngaih Beat System hman tawh tur a nih thu a sawi a, he sysytem hi khawvel ram tam takah hman mek anih thu a sawi. Serchhip District chhunga khua leh veng hrang hrangte chu Police Beat 14 ah then niin, chung Beat Area tinah chuan Police Beat Officer pahnih zel an awm dawn a, Beat Officer te chuan an huamchhung veng tin leh khaw tina vantlang hmunhma- School, damdawi in, Biak In leh a dangte, mihring cheng zat te leh thil tul apiang an hriain an zir reng anga, chak takin dan leh thupek kenkawhna lam an thawk dawn a ni, a ti a. Dan leh thupek kenkawhna leh hnuchhuina atana tanpui theitu tur VC, YMA, VDP leh tlawmngai pawl dangte bakah mipui nawlpuite hmelhriat tha leh zual tura tan an lak te pawh a tulin a pawimawh hle dawn a ni, a ti.

Resource Person in thu a sawi zawh hian zawhna leh chhanna te, sawihona hun te hman zui a ni a, he training zawh hian Police Beat 14-a Beat Officer tur te chuan an Area theuhte a hmunah an tlawh chhuak vek dawn a ni.