National School Games Boxing U-17 Boys chu R.Dengthuama Hall-ah khelh zel a ni a, Weight hrang hrangah Mizoram an che tha chho zel. Hriat theih chinah Mizoram boxer 9 te tu mah tla lovin semifinal an lut vek tawh a, anmahni khelhna weight-ah a che thaah an tang chho zel.

Mizoram teamte hi semi final an luh vek avangin Khelo India khel turin an qualified vek ta a ni. Tun tum National Games Boxing hi Khelo India a khel tur thlanna anih avangin player te pawh an tang hlawm hle a, medal hmu chin chu Khelo Indiaah an qualified vek dawn a ni. Khelo Indiaa medal hmu phak te chu kumtin an account ah cheng nuai 8 dahsak an ni dawn a, chuvangin Khelo Indiaa khel phak leh medal la nih hi a hlu hle dawn a ni.

National School Games Bioxing Boys ah hian Mizoram bakah hian Haryana, Madhya Pradesh, Maharashtra, CBSE WSO, Manipur te an che tha a, Zirtawpni hian final khelh a ni dawn a, tlai dar 2 ah khar a ni ang a, Sports Minister Pu Robert Romawia Royte chu khuallian a ni dawn a ni.