1655/2022-2023 

Siaha; the 19th August;2022: Vawiin chawhma dar 10:00Am khan BEL(Bharat Electronics Limited) ten an CSR(Corporate Social Responsibility) Fund atanga District Hospital,Siaha leh CMO(Chief Medical Officer) Office hnena Ambulance 1 ve ve an lo pek chu Pu Lalsangliana, District Bawrhsap chuan Dr.Lalnunziri,CMO hnenah leh Dr.C.Lalrosanga,DMS hnenah a hlan a ni.

He Ambulance hlanna programme tawi  hi  District Hospital kawtah buatsaih niin, Pi Rochuangkimi Khenglawt,SDO(S) chuan programme  hi a kaihruai a ni.

 District Bawrhsap Pu Lalsangliana chuan tuna Ambulance 2 BEL atanga kan dawn tak te hi DC chhuak ta Pu Kesavan R,IAS leh a subordinate officer ten  BEL atanga an zuk dilchhuah a ni a.Vawiinah kan zingah tel hlawm lo mahse, Siaha district mipui aiawhin BEL chungah leh DC hmasa Pu Kesavan leh a nau te ho hnenah lawmthu ka sawi tak zet a ni, a ti a. District Hospital leh CMO office ten theitawp chhuaha  Siaha district  tan anthawhna kawngah hmanraw tangkai tan a ni ngei ka beisei a, chutiang taka hmang tangkai tur chuan duhsakna ka hlan bawk a ni, a ti.

Dr.Lalnunziri,CMO chuan lawmthu sawina hun hmangin, District Administration in Siaha Medical Dept. an duhsak thin zia te sawiin, District Administration in Medical Dept. chunga duhsakna an lan tir thin hian Medical staff te pawh Faina kawngah te, Damlo dawnsawn leh enkawl kawngah te a ti tangmarin, thahnem a ngaihphah hle thin a ni, a ti.

 Dr.Lalnunziri CMO chuan vawiin kan Ambulance dawn pawh hi  a mamawh zawk Tipa PHC hnenah kan hlan chhawng dawn a ni,  a ti bawk.

Attachment

  • Loading attachment...