India khua leh tuikannih a vanneihthlak thu vawiin khan Mara Autonomous District Council (MADC) Chairman Pu Hiphei an Bharat Nirman Flagship Progrmme Public Information Campaign kharna Saiha ah a sawi.

Sawrkar laipuiin thintlanga cheng leh mirethei te chawikanna tura a ruahman Bharat Nirman Flgship Programme inhrilhhriatna hun Public Information Campaign PIC, New Saiha "East" Community hall-a neih kharna hunah MADC Chairman Pu Hiphei a chuan he thu hi a sawi a, Myanmar emaw Bangladesh a kan bet lo hi kan vannei a ni a ti. Rajya Sabha Member hlui Pu Hiphei chuan India ram chu naupangte ni mahse khawvela ram thang chak leh changkang chak tak anih thu a sawi a, hei vang hian sawrkar laipuiin mipuite hmasawnna tur thil tam tak a ruahman a ni a ti. PIC-a khuallian Pu Hiphei chuan sawrkar laipui hmasawnna hrang hrang te hi Saiha district ah pawh hman tangkai anih thu a sawi a, a bikin ni 100 inhlawhna MGNREGA te chuan hmuh theih khawpin MADC huam chhungah hian hmasawnna a thlen ani a ti. Tun hnaia sawrkar laipuiin Food Security Programme a duan chu ropui a tih thu a sawi a, India khua leh tui tawh phawt chuan eitur an nei tur tihna a ni a, thintlang hmun hla taka chengte pawhin eitur an neih loh chuan sawrkar an khing thei tawh turte hi  ropui a ni, a ti. Hei bakah hian khuallian Pu Hiphei chuan technology hmasawnna abikin mobile connectivity chu chuanawm a tih thu a sawi a, tunah hian thintlang hmun hla tak tak pawh telephone a biak theih an ni hi a ropui a ni, a ti.

Bharat Nirman Flagship Programme Public Information Campaign (PIC) kharna hi PIC Core Committee Chairman Pu Mangjangam Touthang in a kaihruai a, sawrkar laipuiin mirethei te chawikanna tura a ruahmanna te a sawi a, mipuite hnenah sawrkar hmalakna inhrilhhriatna hun "technical session" hun pawh hman a ni a, hei hi MJA Saiha District member ten kaihhruiin RTI , SSA, Midday Meal leh Bharat Nirman Phase II chungchangte zirho  ni. Vawiin Public Information Campaign ah hian NRHM hmalakna in a thlawna in entirna "free medical camp" Maubawk ah neih a ni a. Field Publicity ten Public rally leh school naupang quiz te tukin khan an buatsaih bawk a ni. Hei bakah hian DAVP chuan photo exhibition an buatsaih leh a, state sawrkar hnuaia department hrang hrangten exhibition an siam bawk a ni.