Vawiin August ni 23, 2013 chawhma dar 11:00 khan Champhai a Grape Fest 2013 ni hnihna chu Champhai Zote I.I.D.C. ah neih chhun zawm niin, he hun hi Champhai Bialtu MLA, Minister Pu JH Rothuama'n a hmanpui.
Horticulture Jt. Director Pu R. Zatawna kahhruaiah hian Pu JH Rothuama chuan kut hnathawktutenkanthlai thar chhuah pho chhuah tarlanna tura hetiang hun hman a ni chu lawmawm atih thu leh mahni kutke a din theihna khawp thar chhuak thei tura kut hnathawktuten tum mumal tak nei chunga hmatharkanlak atul a ni, a ti.
Pu JH Rothuama chuan retheihna ata mitinte khai chhuah annih theihna turin NLUP chu chak tak leh hlawhtling taka kalpui a ni a ti a, Champhai leh Hnahlan hmun a Winery khawl din anih bakah hetiang lama thar chhuah tam zawk kan neih theihna tur leh kan thlai thar chhuah chi hrang hrang atanga Wine leh thei tui dangte siam chhuah anih theih nan Winery siam phalna mi 2 hnenah pek a nih tawh thu a tarlang bawk.
Kan chenna tur tak, ram tha leh ram nuamah Pathian in min hung a, kan chenna ram mil tur eizawnna kan ruahman thiam atulin,taimakna leh rinawmna a pawimawh thu a sawi a, kan leilungah intodelhna khawp buhbal kan chin bakah lei chhungril lam hausakna pawh zawn mek a niin, kan ram hi khawvela ram hausa ber pawlah ala din theih tur thu mithiamten a sawi thu a tarlang bawk.
He hunah hian Horticulture Department lam atangin DHO Pu V. Lalzuithanga leh SDHO Pu C. Lalremsiama ten thu an sawi bakah Champhai Grape Growers' Society Vice Chairman Pu HKL Thanga'n thu a sawi bawk.
Chawhnu lamah hian Zaithiamten hun an hmang a, hnamlam chi hrang hrang tarlan anih bakah Grape in eitam siak leh Wine in intam siakna leh Grape Festival Girl puanna leh lawmman semna neih a ni.
