Press Information Bureau bultuma Central Media Units te leh State Sorkar tangrualin an buatsaih thin Bharat Nirman Public Information Campaign chu ni 20 - 23 August, 2011 chhung hian Mizorama a tum 17 na atan Serchhip District-a khaw pathum (3) Thenzawl, E. Lungdar leh Chhiahtlang ah te neih a ni dawn.

He Public Information Campaign neih tur atana Core Committee chuan Serchhip District a PIC neih tur chungchang thlirlawkin a hun leh hmun turte a hnuai ami ang hian an ruat a ni :

20th August, 2001 (Thawhlehni) - Thenzawl ; 22nd August, 2011 (Nilaini) - E. Lungdar leh 23rd, August, 2011 (Zirtawpni) - Chhiahtlang.

Heng hmun thum a PIC neih turah hian he District huamchhunga Assembly Constituency pathum a MLA te chu khuallian a tan sawm an ni.

Hetiang Campaign-ah hian Sorkar laipui hmalakna/ruahmanna atanga ramchhunga hnathawh hrang hrang heng - MGNREGS, PMGSY, NRHM, ICDS, IAY, PGGVY, JNNURM, SSA, RTI etc. te nihphung leh district chhunga tih hlawhtlin anih dante mipui hnenah thusawi leh ziaka puanzar a ni thin a,  zawhna leh chhanna hun neih anih bakah hnathawh hlawhtling tawhte thlalak mipui en turin phochhuah a ni thin bawk.