Vawiin khan Lawngtlai Bawrhsap Pi Shashanka Ala, IAS chu Bharat Scouts & Guides, Lawngtlai District chuan Patron atan an la lut.

He hun hi Lawngtlai District BS&G Secretary Pu Vanlalawmpuia'n kaihruaiin, District Treasurer, Guides Captain Pi K. Laldinpuii chuan Bawrhsap hi thu tiamtirin a la lut a. He hun hi District Vice President Pu V. Biakkunga pawhin a hmanpui.

Lawngtlai Bawrhsap Pi Shashanka Ala chuan Scouts & Guides te chuan India ram an timawiin, an hna thawh chu ramin a tangkaipui tak zet tih sawiin, an awmna hmun apiangah sulhnu tha, chhinchhiah tlak an hnutchhiah thin tih a sawi a. Lawngtlai District Scouts & Guides te hma lak thinna pawh fakawm a tih thu sawiin, ram puma hma lakna uar taka kalpui mek, faina lamah pawh nasa zawka hma la tura sawmin, mi dangte zirtirtu ni tura tan la sauh sauh turin a chah.

Lawngtlai khawpui chhung bikah hian Scouts & Guides hi unit 12 awmin, member 400 chuang an awm mek a ni.