Vawiin chawhma khan  Chief Secretary Pu Lalnunmawia Chuaungo hovin a pisaah Civil Services Day, 2019  hmandan tur ruahmanna siamte enho a ni.

Civil Services Day 2019 hi April ni 29-ah Vanapa Hall-a neih tura ruahman a ni a. Hemi ni hian sawrkar hnathawk tha leh entawntlak hnenah ‘Chief Minister’s Award for Excellence in Public Administration’  leh mi harsa leh chanhai zawkte tana thawhhlawk, midang tana thawk nasa tak tak (sawrkar hnathawk ni lo) tan chawimawina sang ‘Chief Minister’s Award for Excellence in Public Service’ pek a ni ang. Mizoram Chief Minister Pu Zoramthanga chu hemi ni atana khuallian tura beisei a ni a. District tinah Civil Services Day hi hman a ni bawk ang.     Hemi ni hian sawrkar mi pawimawh te bakah YMA, MHIP leh MUP member-te tel tura sawm an ni ang. 

Meeting-ah hian DP&AR, Protocol, ATI leh I &PR hotute an tel a. Ruahmanna chipchiar taka duan niin mawhphurhna siamrem a ni bawk.